Poetry Explorer

Classic and Contemporary Poetry

THE HOPE OF IMMORTALITY, by             Poem Explanation     Poet Analysis     Poet's Biography
First Line: All creature that ever god creat
Last Line: On to that day, I mak it to thee kend.
Alternate Author Name(s): Lindsay, David; Lyndsay, Sir David Of The Moiunt
Subject(s): Immortality


All creature that ever God creat,
As wryttis Paull, thay wys to se that day
Quhen the childryng of God, predestinat,
Sall do appeir in thare new fresche array;
Quhen corruptioun beis clengit clene away,
And changeit beis thair mortall qualitie
In the gret glore of immortalitie.

And, moreattour, all dede thyngis corporall,
Vnder the concave of the Hevin impyre,
That now to laubour subject ar, and thrall,
Sone, mone, and sterris, erth, walter, air, and fyre,
In one maneir thay have ane hote desyre,
Wissing that day, that thay may be at rest,
As Erasmus exponis manifest.

We se the gret Globe of the Firmament
Continuallie in moveyng marvellous;
The sevin Planetis, contrary thare intent,
Are reft about, with course contrarious;
The wynd, and see, with stormys furious,
The trublit air, with frostis, snaw and rane,
Unto that day thay travell evir in pane.

And all the Angellis of the Ordouris Nyne,
Haveand compassioun of our misereis,
That wys efter that day, and to that fyne,
To se us freed frome our infirmeteis,
And clengit frome thir gret calamiteis
And trublous Iyfe, quhilk never sall have end
On to that day, I mak it to thee kend.





Discover our Poem Explanations and Poet Analyses!


Other Poems of Interest...
Home: PoetryExplorer.net