|
|
Classic and Contemporary Poetry
LOGAN BRAES, by JOHN MAYNE First Line: By logan's streams that rin sae deep Last Line: We'd live in bliss on logan braes. Subject(s): Logan (river), Scotland | |||
BY Logan's streams that rin sae deep Fu' aft, wi' glee, I've herded sheep, I've herded sheep, or gather'd slaes, Wi' my dear lad, on Logan braes. But wae's my heart! thae days are gane, And fu' o' grief I herd alane, While my dear lad maun face his faes, Far, far frae me and Logan braes. Nae mair, at Logan kirk, will he, Atween the preachings, meet wi' me -- Meet wi' me, or when it's mirk, Convoy me hame frae Logan kirk. I weel may sing thae days are gane -- Frae kirk and fair I come alane, While my dear lad maun face his faes, Far, far frae me and Logan braes! At e'en when hope amaist is gane, I dander dowie and forlane, Or sit beneath the trysting-tree, Where first he spak of love to me. O! cou'd I see thae days again, My lover skaithless, and my ain; Rever'd by friends, and far frae faes, We'd live in bliss on Logan braes. | Discover our Poem Explanations and Poet Analyses!Other Poems of Interest...SURFACES AND MASKS; 30 by CLARENCE MAJOR SONNET TO GEORGE SAND: 2. A DESIRE by ELIZABETH BARRETT BROWNING THE BARBER'S by WALTER JOHN DE LA MARE ROUGE BOUQUET [MARCH 7, 1918] by ALFRED JOYCE KILMER ON CRITICS; IN IMITATION OF ANACREON by MATTHEW PRIOR HOME THOUGHTS FROM FRANCE by ISAAC ROSENBERG |
| |