The deil cam fiddlin' thro' the town, And danc'd awa wi' th' Exciseman, And ilka wife cries, "Auld Mahoun, I wish you luck o' the prize, man." Chorus -- The deil's awa, the deil's awa, The deil's awa wi' the Exciseman, He's danc'd awa, he's danc'd awa, He's danc'd awa wi' the Exciseman. We'll mak our maut, and we'll brew our drink, We'll laugh, sing, and rejoice, man, And mony braw thanks to the meikle black deil, That danc'd awa wi' th' Exciseman. The deil's awa, &c. There's threesome reels, there's foursome reels, There's hornpipes and strathspeys, man, But the ae best dance ere came to the land Was-the deil's awa wi' the Exciseman. The deil's awa, &c. | Discover our Poem Explanations and Poet Analyses!Other Poems of Interest...FULL OF LIFE NOW by WALT WHITMAN ONCE I PASS'D THROUGH A POPULOUS CITY by WALT WHITMAN ECHO SONG by THOMAS BAILEY ALDRICH SOME SWEET DAY by LEWIS J. BATES A VOICE FOR EDWARD by GLEN BLANCH NOW OR NEVER by EDMUND CHARLES BLUNDEN |