I WADNA gi'e my ain wife For ony wife I see; I wadna gi'e my ain wife For ony wife I see; A bonnier yet I've never sen, A better canna be -- I wadna gi'e my ain wife For ony wife I see! O couthie is my ingle-cheek, An' cheerie is my Jean; I never see her angry look, Nor hear her word on ane. She's gude wi' a' the neebours roun' An' aye gude wi' me -- I wadna gi'e my ain wife For ony wife I see. An' O her looks sae kindlie, They melt my heart outright, When o'er the baby at her breast She hangs wi' fond delight; She looks intil its bonnie face, An' syne looks to me -- I wadna gi'e my ain wife For ony wife I see. | Discover our Poem Explanations and Poet Analyses!Other Poems of Interest...IN THE UNDERWORLD by ISAAC ROSENBERG THE MENTAL TRAVELLER by WILLIAM BLAKE LEARNING TO READ by FRANCES ELLEN WATKINS HARPER CRADLE SONG by THOMAS BAILEY ALDRICH THE VIKING by CLARIBEL WEEKS AVERY |