Now the sun's gane out o' sight. Beet the ingle and snuff the light: In glens the fairies skip and sance, And witches wallop o'er to France, Up in the air On my bonny grey mare. And I see her yet, and I see her yet, Up in the air On my bonny grey mare. The wind's drifting hail and sna' O'er frozen hags like a foot ba', Nae starns keek throw the azure slit, 'Tis cauld and mirk as ony pit, The man I' the moon Is carowsing aboon, D'ye see, d'ye see, d'ye see him yet? The man I' the moon Is carowsing aboon, Take your glass to clear your een, 'Tis the elixir hales the spleen, Baith wit and mirth it will inspire, And gently puffs the lover's fire, Up in the air, It drives away care, Ha'e wi'ye, ha'e wi'ye and ha'e wi'ye lads yet, Up in the air, It drives away care, Steek the doors, keep out the frost, Come, Willy, gi'es about yer tost, Til't lads, and lilt it out, And let us ha'e a blythsom bowt, Up wi' there, there Dinna cheat, but drink fair, Huzza, huzza, and huzza lads yet, Up wi' there, there Dinna cheat, but drink fair, | Discover our Poem Explanations and Poet Analyses!Other Poems of Interest...THE SPARROW HARK IN THE RAIN (ALEXANDER STEPHENS HEARS NEWS) by EDGAR LEE MASTERS THE BATTLE OF LOOKOUT MOUNTAIN [NOVEMBER 24, 1863] by GEORGE HENRY BOKER THE MOCKING BIRD by SIDNEY LANIER REMEMBERED MUSIC; A FRAGMENT by JAMES RUSSELL LOWELL CHOEPHOROI: ORESTES GOES MAD by AESCHYLUS ODES: BOOK 2: ODE 9. AT STUDY by MARK AKENSIDE |