Oh, I wad like to ken -- to the beggar-wife says I -- Why chops are guid to brander and nane sae guid to fry. An' siller, that's sae braw to keep, is brawer still to gie. -- @3It's gey an' easy speirin', says the beggar-wife to me.@1 O, I wad like to ken -- to the beggar-wife says I -- Hoo a' things come to be whaur we find them when we try, The lasses in their claes an' the fishes in the sea. -- @3It's gey an' easy speirin', says the beggar-wife to me.@1 O, I wad like to ken -- to the beggar-wife says I -- Why lads are a' to sell an' lasses a' to buy; An' naebody for dacency but barely twa or three -- @3It's gey an' easy speirin', says the beggar-wife to me.@1 O, I wad like to ken -- to the beggar-wife says I -- Gin death as shre to men as killin' is to kye, Why God has filled the yearth sae fu' o' tasty things to pree. -- @3It's gey an' easy speirin', says the beggar-wife to me.@1 O, I wad like to ken -- to the beggar-wife says I -- The reason o' the cause an' the wherefore o' the why, Wi' mony anither riddle brings the tear into my e'e. -- @3It's gey an' easy speirin', says the beggar-wife to me.@1 | Discover our Poem Explanations and Poet Analyses!Other Poems of Interest...IMAGINARY ANCESTORS: THE GIRAFFE WOMAN OF BURMA by MADELINE DEFREES A MILLION YOUNG WORKMEN, 1915 by CARL SANDBURG EVE SPEAKS by LOUIS UNTERMEYER THE NEW ARRIVAL by GEORGE WASHINGTON CABLE A POET'S FANCIES: 8. THE MODERN POET; A SONG OF DERIVATIONS by ALICE MEYNELL THE WALKER OF THE SNOW by CHARLES DAWSON SHANLY |