'SAW ye Johnny comin', quo' she, 'Saw ye Johnny comin'? Wi' his blue bonnet on his head, And his doggie runnin'? Yestreen about the gloamin' time I chanced to see him comin', Whistling merrily the tune That I am a' day hummin',' quo' she, 'I am a' day hummin'.' 'Fee him, faither, fee him,' quo' she, 'Fee him, faither, fee him; A' the wark about the house Gaes wi' me when I see him: A' the wark about the house, I gang sae lightly through it; And though ye pay some merks o' gear, Hoot! ye winna rue it,' quo' she, 'No; ye winna rue it.' 'What wad I do wi' him, hizzy? What wad I do wi' him? He's ne'er a sark upon his back, And I hae nane to gie him.' 'I hae twa sarks into my kist, And ane o' them I'll gie him; And for a merk o' mair fee, O, dinna stand wi' him,' quo' she; 'Dinna stand wi' him.' 'Weel do I lo'e him,' quo' she, 'Weel do I lo'e him, The brawest lads about the place Are a' but haverels to him. O fee him, faither; lang I trow We've dull and dowie been; He'll haud the plough, thrash i' the barn, And crack wi' me at e'en,' quo' she, 'Crack wi' me at e'en.' | Discover our Poem Explanations and Poet Analyses!Other Poems of Interest...ELEGY: THE LITTLE GHOST WHO DIED FOR LOVE; FOR ALLANAH HARPER by EDITH SITWELL CITY VIGNETTE: DUSK by SARA TEASDALE SOHRAB AND RUSTUM by MATTHEW ARNOLD THE SONG OF HIAWATHA: HIAWATHA'S FASTING by HENRY WADSWORTH LONGFELLOW LINES; SUGGESTED BY GRAVES TWO ENGLISH SOLDIERS ON CONCORD by JAMES RUSSELL LOWELL THE BIVOUAC OF THE DEAD by THEODORE O'HARA SPANIARDS' GRAVES AT THE ISLES OF SHOALS by CELIA LEIGHTON THAXTER |