An' O for ane-and- twenty, Tam! And hey, sweet ane an' twenty, Tam! I'll learn my kin a rattlin' sang, An' I saw ane-and- twenty, Tam. They snool me sair, and haud me down, An' gar me look like bluntie, Tam; But three short years will soon wheel roun', An' then comes ane-and- twenty, Tam. An' O for, &c. A glieb o' lan', a claut o' gear, Was left me by my auntie, Tam; At kith or kin I need na spier, An I saw ane-and- twenty, Tam. An' O for, &c. They'll hae me wed a wealthy coof, Tho' I mysel' hae plenty, Tam; But, hear'st thou laddie! there's my loof, I'm thine at ane-and- twenty, Tam! An' O for, &c. | Discover our Poem Explanations and Poet Analyses!Other Poems of Interest...A NIGHT-PIECE ON DEATH by THOMAS PARNELL THE JEW'S GIFT; A.D. 1200 by THOMAS BAILEY ALDRICH IMITATIONS OF SHAKESPEARE: A STORM by JOHN ARMSTRONG SPRING IS NOT THE ASH by MARVIN BARRETT GETTING UP THE WINTER WOOD IN VERMONT by DANIEL LEAVENS CADY TOWARDS DEMOCRACY: PART 3. I SAW A VISION by EDWARD CARPENTER PRAYER by DAVID HARTLEY COLERIDGE A NEW YEAR THOUGHT by ALEXANDER LOUIS FRASER FABLES: 2ND SER. 9. THE JACKAL, LEOPARD, AND OTHER BEASTS by JOHN GAY |