O how can I be blythe and glad, Or how can I gang brisk and braw, When the bonnie lad that I lo'e best Is o'er the hills and far awa! It's no the frosty winter wind, It's no the driving drift and snaw; But aye the tear comes in my e'e, To think on him that's far awa. My father pat me frae his door, My friends they hae disown'd me a'; But I hae ane will tak my part, The bonnie lad that's far awa. A pair o' glooves he bought to me, And silken snoods he gae me twa; And I will wear them for his sake, The bonnie lad that's far awa. O weary Winter soon will pass, And Spring will cleed the birken shaw; And my young babie will be born, And he'll be hame that's far awa. | Discover our Poem Explanations and Poet Analyses!Other Poems of Interest...THE GROVES OF BLARNEY by RICHARD ALFRED MILLIKIN THE PRAYER OF AGASSIZ by JOHN GREENLEAF WHITTIER SONNETS OF MANHOOD: 43. ONE CHANCE by GEORGE BARLOW (1847-1913) THE ROSEBUSH AND THE TRINITY by ALFRED BARRETT KING EDWARD THE THIRD by WILLIAM BLAKE ECCLESIASTES by THOMAS EDWARD BROWN |