Yestreen I had a pint o' wine, A place where body saw na; Yestreen lay on this breast o' mine The gowden locks of Anna. The hungry Jew in wilderness, Rejoicing o'er his manna, Was naething to my hinny bliss Upon the lips of Anna. Ye monarchs, take the East and West Frae Indus to Savannah; Gie me, within my straining grasp, The melting form of Anna: There I'll despise Imperial charms, An Empress or Sultana, While dying raptures in her arms I give and take wi' Anna! Awa, thou flaunting God of Day! Awa, thou pale Diana! Ilk Star, gae hide thy twinkling ray, When I'm to meet my Anna! Come, in thy raven plumage, Night, (Sun, Moon, and Stars, withdrawn a';) And bring an angel-pen to write My transports with my Anna! Postscript The Kirk an' State may join an' tell, To do sic things I maunna: The Kirk an' State may gae to hell, And I'll gae to my Anna. She is the sunshine o' my e'e, To live but her I canna; Had I on earth but wishes three, The first should be my Anna. | Discover our Poem Explanations and Poet Analyses!Other Poems of Interest...THE COMING AMERICAN by SAM WALTER FOSS POEMS ON THE SLAVE TRADE: 6 by ROBERT SOUTHEY THE LONG HILL by SARA TEASDALE MAY MORNING by CELIA LEIGHTON THAXTER THE FLAT-HUNTER'S WAY by FRANKLIN PIERCE ADAMS POET FLAYS TEMPTATIONS OF CITY LIFE by MORRIS GILBERT BISHOP CHLOE AND MYRA by SOPHIA (RAYMOND) BURRELL TOWARDS DEMOCRACY: PART 3. O TENDER HEART by EDWARD CARPENTER |