FRA Cruachan tae Aberdeen The hinds'll move their calfies soon Up frae the bracken's bonnie green To yon blue heights that float aboon; Nae snaws the tops an' corries croon; Crags whaur the eagle lifts his kills Blink i' the gowden efternoon; It's summer noo in a' the hills! The heather sleeps frae morn till e'en Braw in her reed-an'-purple goon; Sax weeks it wants or stags be clean An' gang wi thickenin' manes an' broun Waitin' the cauld October moon When a' the roarin' brae-face fills— Ye've heard yon wild, wanchancy tune? It's summer noo in a' the hills! Yet blaws a soupin' breeze an' keen; We're wearit for it whiles in toun, An' I wad be whaur I hae been In Autumn's blast or heats o' June Up on the quiet forest groun', Friens wi' the sun, or shoor that chills, Watchin' the beasts gang up an' doon; It's summer noo in a' the hills! ENVOY Mountains o' deer, ye ca' a loon Fra streets an' sic-like stoury ills Wi' thankfu' heart an' easy shoon; It's summer noo in a' the hills! | Discover our Poem Explanations and Poet Analyses!Other Poems of Interest...MONNA INNOMINATA, A SONNET OF SONNETS: 8 by CHRISTINA GEORGINA ROSSETTI TO MRS -- RETURNING FINE HYACINTH PLANT AFTER BLOOM IS OVER by ANNA LETITIA BARBAULD AN EPITAPH UPON THE DEATH OF HIS AUNT, ELIZABETH SKRYMSHER by RICHARD BARNFIELD PSALM 98 by OLD TESTAMENT BIBLE LES HALLES D'YPRES by EDMUND CHARLES BLUNDEN THE DREAM OF THE ROPEMAKER'S SON by RHYS CARPENTER THE MOTHER AT THE TELESCOPE by SARAH NORCLIFFE CLEGHORN ON ANNEL-SEED ROBIN, THE HERMOPHRODITE; EPITAPH by CHARLES COTTON |