Poetry Explorer

Classic and Contemporary Poetry

THE CANTERBURY TALES: THE MERCHANT'S TALE - EPILOGUE by GEOFFREY CHAUCER

Poet Analysis

First Line: EY! GODDES MERCY!' SEYDE OURE HOOSTE THO
Last Line: "TO TELLEN AL, WHERFORE MY TALE IS DO."
"Ey! Goddes mercy!" seyde oure Hooste tho,
"Now swich a wyf I pray God kepe me fro!
Lo, whiche sleightes and subtilitees
In wommen been! for ay as bisy as bees
Been they, us sely men for to deceyve,
And from the soothe evere wol they weyve;
By this Marchauntes tale it preveth weel.
But doutelees, as trewe as any steel
I have a wyf, though that she povre be,
But of hir tonge a labbyng shrewe is she,
And yet she hath an heep of vices mo;
Therof no fors! lat alle swiche thynges go.
But wyte ye what? In conseil be it seyd,
Me reweth soore I am unto hire teyd.
For, and I sholde rekenen every vice
Which that she hath, ywis I were to nyce;
And cause why, it sholde reported be
And toold to hire of somme of this meynee, --
Of whom, it nedeth nat for to declare,
Syn wommen konnen outen swich chaffare;
And eek my wit suffiseth nat therto,
To tellen al, wherfore my tale is do."



Home: PoetryExplorer.net