OH, forth she went like a braw, braw bride To meet her winsome groom, When she was aware of twa bonny birds Sat biggin' in the broom. The tane it built with the green, green moss, But and the bents sae fine, And the tither wi' a lock o' lady's hair Linked up wi' siller twine. "O whaur gat ye the green, green moss, O whaur the bents sae fine? And whaur gat ye the bonny broun hair That ance was tress o' mine?" "We gat the moss fra' the elditch aile, The bents fra' the whinny muir, And a fause knight threw us the bonny broun hair, To please his braw new fere." "Gae pull, gae pull the simmer leaves, And strew them saft o'er me; My token's tint, my love is fause, I'll lay me doon and dee." | Discover our Poem Explanations and Poet Analyses!Other Poems of Interest...LAMENT FOR THE MAKARIS [WHEN HE WAS SEIK] by WILLIAM DUNBAR A VISION UPON [THIS CONCEIT] OF THE FAERIE QUEENE (1) by WALTER RALEIGH DEDICATION TO POEMS, LYRICS AND SONNETS by LOUISA SARAH BEVINGTON CHINESE PROCESSION by WITTER BYNNER CALIFORNIA COAST by DORIS CALDWELL KINGS AND CUBBING by PATRICK REGINALD CHALMERS THE CANTERBURY TALES: THE PRIORESS' TALE by GEOFFREY CHAUCER |