A' NICHT it was freezin', a' nicht I was sneezin'; "Tak' care," quo' the wifie, "gudeman, o' yer cough;" A fig for the sneezin', hurrah for the freezin'! This day we're to play the bonspiel on the loch! Then get up, my auld leddy, the breakfast get ready, For the sun on the snawdrift's beginning to blink, Gie me bannocks or brochan, I am aff for the lochan, To mak' the stanes flee to the tee o' the rink! @3Chorus@1 -- Then hurrah for the curlin' frae Girvan to Stirlin'! Hurrah for the lads o' the besom and stane! [noo!" "Soop it up!" "ready noo!" "clap a guard!" "steady Oh! curlin' abune every game stan's alane! The ice it is splendid, it canna be mended -- Like a glass ye may glow'r on't and shave aff your beard; And see hoo they gether, comin' owre the brown heather, The servant and master, the tenant and laird! There's brave Jamie Fairlie, he's there late and early, Better curlers than him or Tam Conn canna be. Wi' the lads frae Kilwinnin', they'll send the stanes spinnin' Wi' @3whirr@1 an' a @3curr@1 till they sit roun' the tee. Then hurrah, etc. It's an unco-like story that baith Whig and Tory Maun aye collyshangie like dogs owre a bane; And a' denominations are wanting in patience, For nae kirk will thole to let ithers alane; But in the frosty weather let a' meet thegither, Wi' a broom in their haun' and a stane by the tee, And then, by my certes, ye'll see hoo a' parties Like brithers will love and like brithers agree! Then hurrah, etc. | Discover our Poem Explanations and Poet Analyses!Other Poems of Interest...A VOICE FROM THE SWEAT-SHOPS (A HYMN WITH RESPONSES) by LOUIS UNTERMEYER THE SICKNESS by CHARLES BUKOWSKI TRUE UNTIL DEATH by ROBERT BURNS MASSACHUSETTS TO VIRGINIA by JOHN GREENLEAF WHITTIER MY WINTER ROSE by ALFRED AUSTIN A COMPARISON OF THE LIFE OF MAN by RICHARD BARNFIELD THE LOVER'S INTERDICT by ALICE CARY |