"AND hae ye seen my ain true luve As ye cam thro' the fair? Ae blink o' her's worth a' the goud And gear that glistens there! " ''" "And how suld I ken your true luve Frae ither lasses braw That trysted there, busked out like queens, Wi' pearlins, knots and a'? " "Ye may ken her by her snaw-white skin, And by her waist sae sma; Ye may ken her by her searchin' ee, And hair like glossy craw; Ye may ken her by the hinnie mou, And by the rose-dyed cheek, But best o' a' by smiles o' licht That luve's ain language speak! "Ye may ken her by her fairy step ''" As she trips up the street, The very pavement seems to shine Aneath her genty feet! Ye may ken her by the jewell'd rings Upon her fingers sma', Yet better by the dignity That she glides through them a'. "And ye may ken her by the voice ''" The music o' her tongue ''" Wha heard her speak incontinent Wad think an angel sung! And such seems she to me, and mair That wale o' woman's charms ''" It's bliss to press her dear wee mou And daut her in my arms!" | Discover our Poem Explanations and Poet Analyses!Other Poems of Interest...LINES ON THE MERMAID TAVERN by JOHN KEATS SONNET: 17. TO SIR HENRY VANE THE YOUNGER by JOHN MILTON LAUS DEO! by JOHN GREENLEAF WHITTIER THE OLD SERGEANT by BYRON FORCEYTHE WILLSON BALLADE OF SCHOPENHAUER'S PHILOSOPHY by FRANKLIN PIERCE ADAMS |