Balooloo, my lammie, balooloo, my dear; Now balooloo, lammie, ain minnie is here. What ails my wee bairnie, what ails it this nich? What ails my wee bairnie--is bairnie no richt? Balooloo, my lammie, now baloo, my dear; Does wee lammie ken that its daddie's no here? Ye're rockin' fu' sweetly on mammie's warm knee, But daddie's a-rockin' upon the saut sea. Now hushaba, lammie, now hushaba, dear; Now hushaby, lammie, ain minnie is here; The wild wind is ravin' and mammie's heart's sair, The wild wind is ravin' and ye dinna care. Sing baloo, my lammie, sing baloo, my dear; Sing baloo, my lammie, ain minnie is here; My wee bairnie's dozin', it's dozin' now fine. And oh! may its waukin' be blyther than mine! | Discover our Poem Explanations and Poet Analyses!Other Poems of Interest...THE LAST WORD by MATTHEW ARNOLD THE COTTER'S SATURDAY NIGHT by ROBERT BURNS MARIA WENTWORTH by THOMAS CAREW IN AFTER DAYS; RONDEAU by HENRY AUSTIN DOBSON LINES TO A MOVEMENT IN MOZART'S E-FLAT SYMPHONY by THOMAS HARDY THE MOWER AGAINST GARDENS by ANDREW MARVELL |