My bonnie wean! my darlin' bairn! My sweet wee smilin' lammie! Sae cosy in yer beddy-ba! Crawin' to yer mammy! Blessin's on yer cheekies red, An' wee bit lauchin' ee, Sparklin', like the gowden lift, Wi' gladsome, sunny glee! Baloo, my bairnie, fa' asleep! O hushy, hushy ba'! My ain pet! my honey doo! My troutie o' the burn! Sair, sair ye keep yer mammy back Frae daein' mony a turn! O fond's the look yer deddy tak's, As guileless ye lie there, Chasin' frae his honest broo Mony a dowie care! Baloo, my bairnie, fa' asleep! O hushy, hushy ba'! Yer eenie saftly close at last, For oh! ye're tired an' weary; O fa' asleep, my bonnie lamb! O fa' asleep, my dearie! An' as yer wee thocht tak's its flicht Where joys immortal blossom, May angels sing yer lullaby. An' fauld ye in their bosom! Baloo, my bairnie, fa' asleep! O hushy, hushy ba'! | Discover our Poem Explanations and Poet Analyses!Other Poems of Interest...THE SHAPE OF THE CORONER by WALLACE STEVENS AFTER APPLE PICKING by ROBERT FROST STRANGE HURT [SHE KNOWS] by JAMES LANGSTON HUGHES THOMAS GRAY by ARTHUR CHRISTOPHER BENSON THE LOVE SONNETS OF PROTEUS: 51. FAREWELL TO JULIET (13) by WILFRID SCAWEN BLUNT |