"AND ye sall walk in silk attire, And siller hae to spare, Gin ye'll consent to be his bride, Nor think o' Donald mair.: O, wha wad buy a silken goun Wi' a puir broken heart? Or what's to me a siller croun Gin frae my love I part? The mind whose meanest wish is pure Far dearest is to me, And ere I'm forced to break my faith, I'll lay me doun an' dee. For I hae vowed a virgin's vow My lover's fate to share, An' he has gi'en to me his heart, And what can man do mair? His mind and manners won my heart: He gratefu' took the gift; And did I wish to seek it back, It wad be waur than theft. The langest life can ne'er repay The love he bears to me, And ere I'm forced to break my faith, I'll lay me doun an' dee. | Discover our Poem Explanations and Poet Analyses!Other Poems of Interest...A POEM FROM THE EDGE OF AMERICA by JAMES GALVIN DELUSION by GEORGIA DOUGLAS JOHNSON ECSTASY by GEORGIA DOUGLAS JOHNSON HOLES BORED IN A WORKBAG BY THE SCISSORS by MARIANNE MOORE INFERENTIAL by EDWIN ARLINGTON ROBINSON SPIRITUAL ISOLATION: A FRAGMENT by ISAAC ROSENBERG LINES ON LEAVING THE BEDFORD STR. SCHOOL HOUSE by GEORGE SANTAYANA |