IT was a' for our rightfu' King We left fair Scotland's strand; It was a' for our rightfu' King We e'er saw Irish land, My dear -- We e'er saw Irish land. Now a' is done that men can do, And a' is done in vain; My love and native land, farewell, For I maun cross the main, My dear -- For I maun cross the main. He turn'd him right and round about Upon the Irish shore; And gae his bridle-reins a shake, With, Adieu for evermore, My dear -- With, Adieu for evermore! The sodger frae the wars returns, The sailor frae the main; But I hae parted frae my love, Never to meet again, My dear -- Never to meet again. When day is gane, and night is come, And a' folk bound to sleep, I think on him that 's far awa', The lee-lang night, and weep, My dear -- The lee-lang night, and weep. | Discover our Poem Explanations and Poet Analyses!Other Poems of Interest...THE INCORRIGIBLE DIRIGIBLE by HAYDEN CARRUTH SHE WEEPS OVER RAHOON by JAMES JOYCE DOMESDAY BOOK: LOVERIDGE CHASE by EDGAR LEE MASTERS UNDER A PATCHED SAIL by MARIANNE MOORE TO W.P.: 1 by GEORGE SANTAYANA |