My heart was ance as blythe and free As simmer days were lang; But a bonnie, westlin weaver lad Has gart me change my sang. Chorus. -- To the weaver's gin ye go, fair maids, To the weaver's gin ye go; I rede you right, gang ne'er at night, To the weaver's gin ye go. My mither sent me to the town, To warp a plaiden wab; But the weary, weary warpin o't Has gart me sigh and sab. To the weaver's, &c. A bonnie, westlin weaver lad Sat working at his loom; He took my heart as wi' a net, In every knot and thrum. To the weaver's, &c. I sat beside my warpin-wheel, And aye I ca'd it roun'; But every shot and evey knock, My heart it gae a stoun. To the weaver's, &c. The moon was sinking in the west, Wi' visage pale and wan, As my bonnie, westlin weaver lad Convoy'd me thro' the glen. To the weaver's, &c. But what was said, or what was done, Shame fa' me gin I tell; But Oh! I fear the kintra soon Will ken as weel's myself! To the weaver's, &c. | Discover our Poem Explanations and Poet Analyses!Other Poems of Interest...THE WHITE PEACOCK by STEPHEN VINCENT BENET THE LIFE SO SHORT by EAMON GRENNAN THE BUTCHER SHOP by DAVID IGNATOW THE MARRIAGE (1) by TIMOTHY LIU THE CANDLE by KATHERINE MANSFIELD CHARLOTTE CORDAY (REVOLUTIONARY TRIBUNAL, JULY 17, 1793) by EDGAR LEE MASTERS SPOON RIVER ANTHOLOGY: BARNEY HAINSFEATHER by EDGAR LEE MASTERS |