Baloo, baloo, my wee, wee thing, O softly close thy blinkin' e'e! Baloo, baloo, my wee, wee thing, For thou art doubly dear to me. Thy daddie now is far awa', A sailor laddie o'er the sea; But hope ay hechts his safe return To you, my bonnie lamb, an' me. Baloo, baloo, my wee, wee thing, O saftly close thy blinkin' e'e! Baloo, baloo, my wee, wee thing, For thou art doubly dear to me. Thy face is simple, sweet an' mild, Like ony simmer e'ening fa'; Thy sparkling e'e is bonnie black; Thy neek is like the mountain snaw. Baloo, baloo, my wee, wee thing, O saftly close thy blinkin' e'e! Baloo, baloo, my wee, wee thing, For thou art doubly dear to me. O but thy daddie's absence lang Would break my dowie heart in twa, Wert thou na left a dautit pledge, To steal the eerie hours awa'! | Discover our Poem Explanations and Poet Analyses!Other Poems of Interest...A MEMORY OF THE PLAYERS IN A MIRROR AT MIDNIGHT by JAMES JOYCE LET ME NOT LOSES MY DREAM by GEORGIA DOUGLAS JOHNSON DOMESDAY BOOK: BARRETT BAYS by EDGAR LEE MASTERS IS YOUR TOWN NINEVEH? by MARIANNE MOORE MR. HOUSMAN'S MESSAGE by EZRA POUND TO A LADY WHO HAD OFFERED HIM A WREATH OF LAUREL by GEORGE SANTAYANA |