O MISTRESS mine, till you I me commend All haill, my hairt sen that ye have in cure, For, but your grace, my life is near the end; Now let me nocht in danger me endure. Of lifelik luve suppois I be sure Wha wat na God may me some succour send, Then for your luve why wald ye I forfure? O mistress mine! till you I me commend. The winter nicht ane hour I may nocht sleep For thocht of you, bot tumbland to and fro, Me-think ye are into my armis, sweet, And when I wauken, ye are so far me fro; Alas! alas! then waukenis my woe, Then wary I the time that I you kend; War nocht gude hope, my heart wad burst in two, O mistress mine! till you I me commend. Sen ye are ane that has my hairt alhaill, Without feigning I may it nocht ganestand, Ye are the bounty bliss of all my bale, Baith life and death standis into your hand. Sen that I am sair bunden in your hand, That nicht or day, I wat nocht where to wend, Let me anis say that I your friendship fand. O mistress mine! till you I me commend. | Discover our Poem Explanations and Poet Analyses!Other Poems of Interest...A DISCRETE LOVE POEM by JAMES GALVIN CURTAIN by GEORGIA DOUGLAS JOHNSON ON CARPACCIO'S PICTURE: THE DREAM OF ST. URSALA; SONNET by AMY LOWELL THE DUNES OF INDIANA by EDGAR LEE MASTERS ON A LADY SINGING by ISAAC ROSENBERG |