LOW DOUN IN THE BROOM by ANONYMOUS

MY daddie is a cankert carle,
He'll no twine wi' his gear;
My minnie she's a scauldin' wife,
Hauds a' the house asteer.
But let them say, or let them do,
It's a' ane to me,
For he's low doun, he's in the broom,
That's waitin' on me:
Waitin' on me, my love,
He's waitin' on me:
For he's low doun, he's in the broom,
That's waitin' on me.

My auntie Kate sits at her wheel,
And sair she lightlies me;
But weel I ken it's a' envy,
For ne'er a joe has she.

My cousin Kate was sair beguiled
Wi' Johnnie o' the Glen;
And aye sinsyne she cries, Beware
O' fause deluding men.

Gleed Sandy he cam west yestreen,
And speired when I saw Pate;
And aye sinsyne the neebors round
They jeer me air and late.

But let them say, or let them do,
It's a' ane to me,
For he's low doun, he's in the broom,
That's waitin' on me:
Waitin' on me, my love,
He's waitin' on me:
For he's low doun, he's in the broom,
That's waitin' on me.

Classic and Contemporary Poetry

Discover our Poem Explanations and Poet Analyses!

Other Poems of Interest...